Халыққа сапалы онкологиялық көмек Қазақстан Республикасының Денсаулық сақтау саласын дамытудың басым бағыттарының бірі болып табылады.
Халыққа онкологиялық көмекті жетілдіру және озық халықаралық практикаларға сәйкестік мақсатында Қазақстан Республикасы Президентінің тапсырмасы бойынша «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламада Кешенді жоспар бекітілді.
Онкологиялық көмек көрсетудің қолжетімділігі мен сапасын арттыру арқылы қатерлі ісіктердің ауыртпалығын азайту Кешенді жоспардың мақсаты болып табылады.
Қазақстан Республикасында онкологиялық қызметті дамытудың маңыздылығын назарға ала отырып, Қордың Қамқоршылық кеңесінің шешімімен онкологиялық орталықтарды жарақтандыру, дәрілік препараттармен қамтамасыз ету және мамандарды оқыту бөлігінде Кешенді жоспарды іске асыруға Қордың қатысуы мақұлданды.
Онкологиялық қызмет кадрларының біліктілігі мен құзыреттілігін арттыру маңызды мәселе болып табылады.
Кешенді жоспар шеңберінде Қордың қатысуымен «Педиатрия және балалар хирургиясы ғылыми орталығы» АҚ, «University Medical Center» КҚ, «Қазақ онкология және радиология ғылыми-зерттеу институты» АҚ, «Ұлттық ғылыми онкологиялық орталық» ЖШС мамандарының біліктілігін арттыру көзделген.
Осы жоба шеңберінде «ҰҒОО» ЖШС мамандарын шетелде оқыту жоспарланған.
«ҰҒОО» ЖШС-нің басты миссиясы тиісті халықаралық стандарттарға сәйкес қатерлі ісіктердің алдын алудың, ерте диагностикалаудың және емдеудің жоғары технологиялық әдістеріне қолжетімділікті арттыру арқылы онкологиялық аурулардан болатын өлімді азайту болып табылады.
2024 жылдың соңына дейін ең озық медициналық жабдықтармен жарақтандырылған «ҰҒОО» ЖШС жаңа корпустарын ашу жоспарланған, ал протонды және ядролық медицина орталықтары елімізде алғаш рет ашылмақ.
Диагностика мен емдеудің жоғары мамандандырылған әдістері қолданылады: протон, сәулелік, радионуклидтік терапия. Онкологиялық ауруларды ерте анықтау және емдеу мақсатында жылына «ҰҒОО» ЖШС ядролық медицина орталығының базасында өндірілетін радионуклидті фармацевтикалық препараттарды қолдана отырып, шамамен 10 000 диагностикалық зерттеулер жүргізу жоспарланған.
Сәулелік терапия орталығы 4 жоғары энергиялы желілік үдеткіштермен, онкологиялық аурулардың көптеген түрлерінде, әсіресе сүт безі ісіктерінде, проктологиялық және гинекологиялық ісіктерде (РБ есебінен) қолданылатын жанаспалы сәулелік терапияға арналған 1 брахитерапия аппараттарымен жабдықталады. Осы технологияларды қолдану жүргізілетін емдеу әдістерінің инвазивтілігін төмендетеді, әдеттегі өмір салтын сақтауға мүмкіндік береді, пациенттердің өмір сүру ұзақтығын арттырады. Орталық жылына 4 000-ға жуық пациентті қабылдайтын болады.
«ҰҒОО» ЖШС жаңа орталығында тәулік бойғы 210 төсек-орынға шақталған стационар, оның ішінде 70 онкогематология төсек-орын; күндізгі 150 орындық амбулаториялық терапия орталығы; ауысымына 500 келушіге арналған емхана болады деп жоспарланған.
Жоғарыда аталған орталықтарды құру – бұл әртүрлі бейіндегі (клиникалық және техникалық) оқытылған штатты қажет ететін кешенді іс-шара.
Жоғарыда айтылғандарға байланысты онкологиялық ауруларды емдеудің және диагностикалаудың озық әдістемелеріне мамандарды ерте сатыларда оқыту қажеттілігі туындайды, бұл қатерлі ісіктің күрделі түрлерін және оның қайталануын емдеу әдістерін жақсартады және жүйелейді, сондай-ақ пациенттерді іріктеу мен операция техникасын, сондай-ақ операциядан кейінгі кезеңде оңалту түрлерін жүргізуге ықпал етеді.
